terça-feira, 30 de dezembro de 2014

Projeçom do documentário "XV anos de Fundaçom Artábria".


No Fuscalho começaremos o 2015, como nom podia ser de outra forma, com actividades.

Esta sexta 2, às 20:00, projeçom do documentário "XV anos de Fundaçom Artábria", no qual se fai um percorrido polos 15 primeiros anos de vida do centro social mais antigo do país. Ademais contaremos com a presença de Bruno L. Teixeiro, destacado activista do Artábria desde o 2001.

Umha oportunidade única para conhecer a experiência de um dos centros sociais mais activos da Galiza, e para debater arredor da necessidade dos centros sociais como projectos realmente alternativos ao sistema e como ferramentas para a normalizaçom do galego e da nossa cultura em geral.

Para umha aproximaçom a história da Fundaçom Artábria podedes visitar a sua web http://www.artabria.net/ ou http://pt.wikipedia.org/wiki/Fundaçom_Artábria

Acode e difunde!
 
 

terça-feira, 23 de dezembro de 2014

Ruada do Apalpador e foliada.

Esta quarta 24, a partir das 18:00 da tarde, o Apalpador volverá visitar A Guarda, para comprovar que os noss@s cativ@s estam bem alimentad@s e repartir-lhes castanhas e lambonadas.

Começará o seu percorrido polas ruas mais céntricas da vila, acompanhado das suas ajudantes e d@s Gaiteir@s do Fuscalho, para rematar no nosso local, onde terá lugar umha foliada.

Vemo-nos amanha em companhia do Apalpador!

segunda-feira, 15 de dezembro de 2014

Fim de ano no Fuscalho.

Desvelamos temática de disfraces para fim de ano: Filmes e séries! Assim que já podedes começar a pensar e elaborar as vossas galas para a noite do 31.



Também vos lembramos que aguarda-nos umha gram noite com moita boa música. Os Santos Morcegos, ademais dos seus temas mais clássicos, preparam um repertório especial para a ocassom, para o qual contaram com a colaboraçom dalgúm veterano do panorama punk e rock guardés. E dende Vigo teremos as pinchadas de rock and roll mais aloucadas, com a presença de DJ Gramola.

Aguardamos-vos para dar a bem-vinda ao novo ano no Fuscalho!

Teatro no Fuscalho: Berlín, por Histeria Teatro.

Esta sexta (venres) 19, às 22:00, teatro no Fuscalho: Berlín, da mam de Histeria Teatro.

Lou Reed criou a começos dos 70 um disco que ele definiu como “um filme para os ouvidos”, no que conta a sórdida relaçom entre um casal numha cidade dividida. Berlim é o relato das vidas do Jim e a Caroline, marcadas pela pobreza, a prostituiçom, a violência e as drogas. O disco foi um insucesso comercial, ainda que muito interessante musical e narrativamente.



Mais de trinta anos depois, o filólogo, professor e músico Leo Fernández Campos, mais conhecido como O Leo i Arremecághona!!!, realizou um exaustivo labor de traduçom das letras das cançons, foi trabalhando nelas, e, junto com a jornalista e actriz Lara Rozados, levaram a cabo umha teatralizaçom, até que o ano passado, com a morte de Lou Reed, decidiram estrear a montagem com Histeria Teatro. Para isso contaram com a colaboraçom do director e actor Chiqui Pereira, membro da companhia Berrobambán. A estréia, com grande sucesso de público, foi na XIII Festa de Aniversário do Cineclube de Compostela, o passado 21 de junho, e agora retomam a gira deste espetáculo.

Berlim conta com a direçom de Chiqui Pereira, e com Leo Fernández Campos nos papéis de Jim e o narrador e Lara Rozados como Caroline. O vestiario, atrezzo, cenografia e luzes são de Histeria Teatro, e o som, música e videos, de Leo Fernández Campos. O desenho gráfico e a fotografia correspondem a Jose Valiño.


Programaçom do Fuscalho para dezembro.


terça-feira, 19 de agosto de 2014

IV Mercadinho Sustentável de venda e troco de cousas usadas.

Os dias 30 e 31 de agosto terá lugar na Praça de Sam Bieito da Guarda o IV Mercadinho Sustentável de venda e troco de cousas usadas. Podes reservar o teu posto escrevendo a csfuscalho@gmail.com ou chamando ao 678821088.

Coma outros anos teremos música durante todo o dia, comida, bebida e actividades paralelas que iremos anunciando conforme se acerque a data do evento.

Acude e difunde!
 

terça-feira, 12 de agosto de 2014

Apresentaçom do livro "A batalla polas pensións (1981-2013)".


Esta quinta 14 apresentaçom do livro “A batalla polas pensións (1981-2013). De como a clase capitalista quere privatizar os bens comúns e de como as clases trabaladoras se opoñen.”, de Xabier Pérez Davila, economista, sindicalista e mestre de secundária.


Sipnose:


"Editado por Estaleiro Editora, Xabier Pérez Davila desvela neste libro algunhas das mentiras coas que nos bombardean os medios de persuasión de masas, como voceiros das clases poderosas, en relación coa suposta inviabilidade económica dos sistemas de protección social.


O autor demostra como o capitalismo financeirizado é precisamente o que ameaza a viabilidade dos sistemas de pensións públicos. O libro quere ser unha chamada á mobilización, no convencimento de que estabelecermos o benestar común é posíbel, mais incompatível coa financeirización e, por extensión, co propio capitalismo."
 
 

segunda-feira, 28 de julho de 2014

Programaçom do Fuscalho para as Festas do Monte da Guarda.

- Segunda 4:    
    * 22:00 representaçom teatral da obra "Quen?", por Chan dos Casteliños (As Neves).
    * 23:00 atuaçom do grupo de folk Tarxa (Vigo).
- Terça 5:
    * 23:00 concerto com a presença de Jean Paul (hardcore-rap A Guarda) e Arenga (punk-rock Pontedeume)
- Quarta 6:
    * 20:00 II Concurso de Cantos de Taberna, coa colaboraçom do Arruaz, Alborada, Cangrexal, O Roxo, Chancarello, Vaite Vindo, Marbella e Enxebre. Inscreve o teu coro em csfuscalho@gmail.com ou chamando ao 605-789-915.
    * Ao rematar foliada no Fuscalho.
- Quinta 7:
    * 23:00 II festival O Som do Trega, no Montinho, com a presença de Residuos Atractivas (folk A Guarda-Compostela), Leo Arremecaghona (cantautor punk Vigo), Outra Vaca no Millo (folk-rock Cangas), The Charran´s (punk-rock A Guarda) e DJ Sapoconcho Sem Poncho (swing-balkan beats O Rosal).
- Sexta 8:
    * 21:30 representaçom teatral da obra "Morte accidental dun anarquista", por Faisca Teatro (Vigo).
    * 23:00 concerto com a presença de Looking Forward to Freedom (hardcore-punk A Guarda) e Malas Herbas (punk-folk Rodeiro).



Por umhas festas galegas e populares!!!

quinta-feira, 24 de julho de 2014

II CONCURSO DE CANTOS DE TABERNA

Quarta (mércores) 6 de agosto na Guarda, dentro da programaçom para as Festas do Monte do Fuscalho.

- Máximo de 8 participantes por coro.
- Máximo de 3 instrumentos por coro.
- Cada coro deverá interpretar umha peça em 4 bares. Nom é obrigatorio preparar umha peça distinta para cada bar.
- Os bares onde cada coro interpretará as suas peças será comunicado no mesmo dia do concurso a hora do começo, quedando todos os coros, às 20:00, em um ponto de encontro por determinar.
- Os resultados do concurso comunicaram-se ao remate deste no Fuscalho, onde terá lugar umha foliada aberta a todo o mundo que queira participar.
- Aponta o teu coro chamando ao 605-789-915 ou escrevendo a csfuscalho@gmail.com.

Por umhas festas galegas e populares!


quinta-feira, 3 de julho de 2014

II Concurso de Cantos de Taberna.

Já temos data para a II ediçom do Concurso de Cantos de Taberna da Guarda. Terá lugar a quarta (mércores) 6 de agosto, dentro da programaçom para as Festas do Monte do Fuscalho.

Dende já abrimos o prazo de inscriçom. O número máximo de integrantes por equipa será de 8, e de instrumentos de 3. Fai a tua inscriçom no nosso local ou em csfuscalho@gmail.com.

Os locais por onde discorrerá o concurso publicaran-se conforme se acerque a data deste.

Nom vo-lo perdades!!!


sexta-feira, 6 de junho de 2014

Aniversário



Em junho de 2012 abria as portas o Centro Social Fuscalho. Desde aquela dúzias de palestras, concertos, atuaçons, obradoiros, assembléias, projeçons, colóquios...encherom a nossa programaçom, polo que umha vez mais queremos agradecer a toda essa gente, que fijo possível todo isso, o seu esforço.
Chegados a este ponto só podemos animar a toda essa gente que vem polo Fuscalho a seguir participando das atividades, a aportar novas idéias e a ser participe direto do Centro Social de um modo ou de outro. Para fazer assim, cada dia, do Fuscalho algo melhor.
2 Anos de espaço alternativo e popular!

quinta-feira, 5 de junho de 2014

XI Encontro da Rede Galega de Sementes

E desde já fazemos público o cartaz do XI Encontro da Rede Galega de Sementes, que se realiçará o próximo 21 de julho na Fortaleza de Goiám. O Fuscalho fai parte do colectivo organizativo do Encontro, apoiando assim, um encontro de base e popular comprometido com a terra, o sostível e o ecológico que já alcança a sua XI ediçom.
Difunde e participa!!


terça-feira, 29 de abril de 2014

Concertos



Já chega o ROCKaBELA: Festival Musical em memória do actor Bela Lugosi.
A vindeira sexta 2 de maio, a partir das 23:00 h, terá lugar no Centro Social Fuscalho da Guarda o Festival ROCKaBELA 2014, umha pequena homenagem musical ao célebre actor de cine de terror Bela Lugosi.
Contará com as atuaçons em direto da banda local de surf instrumental "Santos Morcegos!!!" apresentando o seu último disco "Raios e Centolas"- e os vascos "Flesh for Cannibals", de gira por Galiza.
Achega-te e difunde!!

segunda-feira, 17 de fevereiro de 2014

Apressentaçom da Renda Básica das Iguais.

Este sábado 22, às 19:30, contaremos com a presença de Mari Fidalgo para nos mostrar a Renda Básica das Iguais desde uma olhada feminista: Da centralidade do emprego, à centralidade da vida.

A Renda Básica das Iguais consiste no direito da cidadania a perceber umha quantidade periódica para cobrir as suas necessidades materiais sem nenhuma condiçom limitante. Assim, apresenta-se como um instrumento de luita a dispossiçom de todos os coletivos comprometidos na transformaçom do sistema capitalista.


Obradoiro de teatro e expressom corporal.


terça-feira, 11 de fevereiro de 2014

Obradoiro de reposteria no Fuscalho!


Impartido por umha especialista na matéria, aprenderedes a elaborar doces de sabores e latitudes moi diversas.

A duraçom será de um mês e médio, e terá lugar as quintas de 18:30 a 20:00. Começará umha vez constituido um grupo mínimo de gente.

Podes anotar-te no nosso local, por facebook ou no correio fuscalho.obradoiros@gmail.com.