segunda-feira, 23 de dezembro de 2013

Ruada do Apalpado e foliada no Fuscalho!

Amanha, terça 24, o Apalpador voltará baixar ate A Guarda para comprovar que @s mais cativ@s estám bem alimentados e repartir castanhas e lambonadas entre eles. A partir das 5 da tarde percorrerá as ruas mais céntricas da nossa vila acompanhado dum grupo de gaiteir@s, rematando a sua ruta às 19:00 no Fuscalho, onde terá lugar umha foliada, polo que se queredes acompanhar ao Apalpador nom duvidedes em traer o vosso instrumento para participar.

domingo, 22 de dezembro de 2013

Obradoiro Teatro da Oprimida.


No C.S. Fuscalho começamos o ano com agitaçom teatral. Por isso, queremos convidar-vos a participar no obradoiro de Teatro d* Oprimid* que terá lugar durante os dias 3, 4 e 5 de Janeiro no local social.

O Teatro d* Oprimid* começa nos anos 60 no Brasil com o dramaturgo, director e teórico de teatro Augusto Boal, num contexto de repressom. Boal procurou sempre lutar contra todo jeito de opressom através dum teatro político, subversivo e transformador.

Nom importa que nom tenhas feito teatro antes, pois trata-se duma forma de Teatro onde tod*s somos actrices, tornando-se o público o verdadeiro protagonista da acçom teatral.

Vem compartilhar um espaço onde explorar as nossas opressons, refletir, criar, debater … e agir coletivamente cara uma sociedade participativa!

Para formalizar a inscriçom podes faze-lo diretamente no local ou enviar um mail a csfuscalho@gmail.com(Prazas limitadas)

*Aportaçom voluntária para contribuir com o Centro Social.

Apresentaçom do novo trabalho de Liska, Sonhos de Raiba.

Esta sexta 27 teremos o prazer de contar no Fuscalho com o ska dos vigueses Liska, que venhem a apresentar o seu novo trabalho, Sonhos de Raiva. O concerto dará começo às 22:30 e a entrada será de balde.
Como anticipo do concerto partilhamos com vós duas peças do seu último disco:

http://www.youtube.com/watch?v=vY6RtF7n5P4

http://www.youtube.com/watch?v=11n1hJEmpFo

segunda-feira, 16 de dezembro de 2013

Festa fim de ano

Penduramos aqui a enlace de Doodle onde poderedes votar a temática da festa de fim de ano:

 http://doodle.com/ws2s5rpvbz7q3bq6?locale=pt

Participa!

quarta-feira, 4 de dezembro de 2013

Este sábado homenagem a Luz Fandinho no Fuscalho.

Luz Fandinho fara-nos um repasso a toda umha vida de compromisso com a sua terra, classe e género. Contará com a colaboraçom de Tino Baz, o qual interpretará tanto temas própios coma um par de peças inéditas para a ocassom.


segunda-feira, 25 de novembro de 2013

Projeçom do documetal "A Fazaña da Liberdade"

Este sábado 30, às 19:30, terá lugar a apresentaçom do documental sobre a vida de Alexandre Bóveda "A Fazaña da Liberdade", na qual contaremos com a presença do seu director, Seném Outeiro.

No seguinte enlace podedes visionar o trailer do documental:  http://www.youtube.com/watch?v=u3CkcR-jrBc


quinta-feira, 21 de novembro de 2013

Concerto de Os da Ria o 5 de dezembro do Fuscalho.

O 5 de dezembro estará no Fuscalho o grupo Os da Ria, assim que nom planifiquedes nada para esse dia. Em breves publicaremos os lugares onde poderedes adquirir as entradas antecipadas.

Mentres tanto podedes desfrutar dalgum dos temas com os que nos deleitaram na sua actuaçom:

http://www.youtube.com/watch?v=iNwyrbZjLBw

http://www.youtube.com/watch?v=ActSkLD3kZw


terça-feira, 19 de novembro de 2013

Apresentaçom do Novas da Galiza no Fuscalho.

Esta sexta feira, às 20:00, estará com nós a gente do Novas de Galiza, para apresentar-nos o seu jornal.

Como introduçom ao que poderedes ouvir no Fuscalho partilhamos o seguinte enlace, onde se recolhem os seus princípios fundacionais e características técnicas:

http://www.novasgz.com/html/principios.html
 

terça-feira, 22 de outubro de 2013

Associate ao Centro Social Fuscalho.

Como novidade nesta nova etapa que iniciamos incorporamos a figura de associad@s. Dando-te de alta poderás desfrutar de descontos em obradoiros, atividades e material.

Date de alta no nosso Centro Social a partir desta sexta feira 25. Ajuda a que o nosso projecto seja possível.
 

segunda-feira, 21 de outubro de 2013

Reabertura do C.S. Fuscalho.

Já temos data e programaçom para a inauguraçom do novo local. Nom vos perder o inicio desta nova etapa.




terça-feira, 15 de outubro de 2013

Comunicado Centro Social Fuscalho



Desde o colectivo de pessoas que formamos o Fuscalho queremos dar a conhecer, como já figemos há uns dias, mais detalhes sobre a nova etapa que empreende este projecto, em umha nova ubicaçom, mas com os mesmos princípios que na sua abertura.

 
Novo Local

Depois de umha longa pesquisa o local escolhido é o antigo restaurante “Balueiro” ao lado da Atalaia da Guarda. Para o seu condicionamento e abertura contamos com uns mui limitados recursos económicos polo que qualquer achega, por mínima que seja, será bem-vinda. Para isto facilitamos um número de conta 2080-5066-76-3040019563 (NGB). Além, animamos-vos a tod@s a participar no acondicionamento do local, já seja com trabalho humano ou aportando materiais (mesas, cadeiras, lâmpadas, pintura, ferramentas...).




Modelo organizativo

Na sua abertura o Fuscalho estava conformado polas associaçons culturais A Velha na Horta e Ardentia, servindo como ponto de encontro e trabalho de amba-las duas. Com a saída de Ardentia, A Velha na Horta dissolveu-se impulsionando a “Associaçom Cultural Fuscalho”, para aglutinar a toda a gente que trabalha neste projeto. Esta nova associaçom conta com uns estatutos, polos que se regerá a atividade do centro social e que em breves faremos públicos.

Sóci@s

A mudança organizativa introduce a novidade da figura de soci@ para garantir umha estabilidade e umha viabilidade económica do local. @ sóci@, com umha quota mínima de 3€/mês, contará com descontos em todo tipo de atividades ou material do Fuscalho. A partir de novembro poderás fazer-te soci@.

Obradoiros

A partir de novembro, também, começaremos os obradoiros para este inverno na linha dos que vínhamos fazendo, mas com algumhas novidades. Se quigesses impartir algum obradoiro no Centro Social ainda estás a tempo, fala com nós!

Em breves anunciaremos a data da inauguraçom com a sua programaçom, esperemos à altura do acontecimento.




sexta-feira, 2 de agosto de 2013

Comunicado ante o 100 aniversário das Festas do Monte.

Dende o Centro Social Fuscalho queremos manifestar o seguinte com respeito a 100 ediçom das Festas do Monte:

- Denunciamos a quase total ausência da língua galega, a língua própria do país, por parte da organizaçom em diferentes âmbitos como a cartaleria, programaçom, web, etc. Umha ausência na que também tenhem responsabilidade as instituçons públicas colaboradoras co evento (Concello da Guarda, Deputación de Pontevedra e Xunta de Galicia), aquelas que em teoria devem velar pola defensa e promoçom da língua própria do país. No 100 aniversário das nossas festas vemos como o galego encontra-se numha situaçom semelhante aos anos nos que se levou a cabo a primeira ediçom, subordinada ao espanhol ou directamente excluida do uso social.

- Mostramos o nosso desacordo coa programaçom cultural oferecida pola organizaçom, limitada exclusivamente a atuaçom de orquestras (na maior parte dos casos com atuaçons totalmente sexistas) e de grupos de fora da Galiza, sendo a nossa cultura totalmente excluída. O património cultural existente na Galiza é imenso, o que permite oferecer umha oferta cultural variada e para todos os públicos. E nom só no conjunto do país, se nom na própria vila: ao mesmo tempo que vemos como se gastam enormes quantidades de dinheiro em orquestras e grupos foráneos os artistas da vila som, na sua grade medida, excluídos da programaçom (que melhor forma que celebrar um 100 aniversário que coa nossa gente?). Se de verdade pretendemos que as festas sejam nossas, do povo da Guarda, deveríamos oferecer umha programaçom com a que tod@s @s guardeses/as se sintam representad@s, umha programaçom para todos os públicos.

- Rejeitamos a grande quantidade de dinheiro que estas festas vam custar, e mais nos tempos que correm. Com muitas famílias de guardeses/as sem trabalho e com problemas para subsistir, miramos como se gasta umha ingente quantidade de dinheiro em actos festivos.

- Rejeitamos a eleiçom da ex-alcaldesa da Guarda, por parte do PP, Purificación Álvarez Álvarez, como pregoeira do 100 aniversário. As festas populares deveriam de ser alheas a qualquer adscriçom política, e menos numha data tam simbólica como o 100 aniversário, mas parece que esta comissom está empenhada em tinguir as nossas festas do azul do Partido Popular, e mais conhecendo o passado político do pregoeiro do ano passado, Horácio Gómez. Temos pessoeiros dabondo na Guarda, sem nenhuma adscriçom política, com méritos suficientes para ser reconhecidos com semelhante honra como é dar o pregom das nossas festas em representaçom de toda a vila da Guarda, tanto a nível individual como a nível associativo.

- Ao mesmo tempo, ainda que nom compartilhemos a posiçom da comissom organizadora com respeito aos pontos anteriores, e sendo conscientes do trabalho que conleva a organizaçom das festas, reconhecemos o esforço levado a cabo polos seus integrantes, assim como agradecemos as facilidades dadas para a realizaçom das nossas próprias actividades.

Sem mais, feliz 100 aniversário das Festas do Monte.

quarta-feira, 31 de julho de 2013

Como bem sabedes, o Fuscalho nom conta com nenhuma ajuda pública ou privada para a realizaçom das suas actividades (como excepçom nestas Festas do Monte contamos coa colaboraçom de 5 bares da vila para a realizaçom do passa-ruas da terça 13). Só nos nutrimos do esforço e o humilde trabalho sem ânimo de lucro da nossa gente para leva-las a cabo. Por isso apelamos a vossa colaboraçom para ajudar no financiamento de todas as actividades que vos oferecemos nestas Festas do Monte. Umha colaboraçom que nom é só com nós, senom também com toda a gente que vai leva-las a cabo de jeito totalmente desinteressado, acudindo simplesmente cobrando os gastos de alimentaçom e a viagem (e alguns nem isso). Aqui ninguém se lucra, só queremos oferecer-vos umhas festas diferentes, populares e em galego.

Porque outras festas som possíveis, colabora coas nossas actividades comprando os nossos bonos ajuda, tanto no Fuscalho como as pessoas que formamos parte del.

Obrigad@s.


Festas do Monte 2013 no Fuscalho


sexta-feira, 12 de abril de 2013

Mercadillo de Troco


O Fuscalho estará aberto durante o Mercadillo de Troco do día 20  a partires das 10-10:30 para atender aos visitantes que se acheguen para curiosear, mercar, intercambiar ou simplemente dar unha volta pola zona.
Agardamos que a actividade, que se realizará xusto diante do noso c.s Fuscalho, sexa do voso interese.

terça-feira, 9 de abril de 2013

Jornadas Anticarcerárias


Esta fim de semana teremos no Fuscalho umhas Jornadas Anticarcerárias repartidas em 2 dias:

· Sexta 12: 

às 17 hrs: Situaçom nos cárceres da Galiza por Fernando Blanco, membro de Esculca, observatório para a defensa dos direitos e liberdades.

às 19 hrs: Situaçom d@s presos independentistas em prisom por membr@s de Ceivar.

· Sábado 13:

às 14 hrs: Jantar Solidário por 5€ (anotar-se previamente no Fuscalho)

às 17 hrs: Umha visom desde dentro

às 19 hrs: História da luita nas cadeias

às 21h30: Concerto com Hip Hop Ateneu

Achega-te!

segunda-feira, 25 de março de 2013

quarta-feira, 16 de janeiro de 2013

Have-las Hai-nas!


27-J Manifestaçom pola língua


Desde o Fuscalho além de aderir-nos ao bloco laranja, queremos animar a todo o nosso entorno a participar desta mobilizaçom mostrando o nosso total rejeitamento a toda imposiçom espanhola ao nosso povo. O 27 de janeiro tod@s com o reintegracionismo de base, tod@s com o Galego!